Жиззахда «BMX« бўйича Ўзбекистон чемпионлари аниқланди

Жиззахда велоспортнинг «BMX reysing« йўналиши бўйича катталар ва ёшлар ўртасида Ўзбекистон чемпионати ўтказилди.

Мусобақанинг жамоавий баҳсларида Жиззах-2 жамоаси эркаклар ўртасида, Жиззах-1 жамоаси аёллар ўртасида мамлакат чемпионига айланди. Ёшлар орасида эса жиззахлик йигитлар  ҳамда қорақалпоғистонлик қизлар жамоалари ғолиб бўлишди.

Яккалик пойгаларининг катталар тоифасидаги беллашувларда Отабек Ибрагимов, Авазбек Мирзаев, Артём Ананий, Нозима Эгамбердиева, Гулҳаё Жуманова ҳамда Ҳожар Пардабоевалар шоҳсупага кўтарилишди.

Ёшлар орасида эса Ибрагим Абдувоҳидов, Чингиз Чулиев, Манучеҳр Абдурасулов, Мадина Абдусатторова, Закима Толибоева, Сабрина Жонқобиловалар ғолиб ва совриндорлар қаторидан жой олишди.