Ғаллаоролда Олий Мажлис Қонунчилик палатаси депутати аҳоли хонадонларида бўлди

Ғаллаоролда Олий Мажлис Қонунчилик палатаси депутати Феруза Нигматова ҳамда туман оила ва хотин-қизлар бўлими ҳамкорликда ипак қурти етиштириш жараёнини кўздан кечирди.

Туманнинг кўплаб ҳудудларида бўлгани каби Мирзабулоқ маҳалласида ҳам пилла етиштириш мавсуми қизғин паллага кирди.
Ипак қуртлари парвариши учун оилалар ўзларининг халол меҳнати билан ҳиссасини қўшишмоқда.
Туманда тармоқни хар томонлама ривожлантириш, маҳсулот ишлаб чиқаришни кўпайтириш, вилоятимиз ва республикамиз “кумуш тола” хирмонини юксалтиришга баракали улуш қўшиш билан бирга, соҳада аҳоли бандлигини таъминлашга ҳам алоҳида эътибор қаратилмоқда.
Шу ўринда туманда соҳа ривожига муносиб ҳисса қўшиб келаётган моҳир ва тажрибали пиллакорлар талайгинаки, уларнинг меҳнатларини хар қанча эътироф этса арзийди.