Боболарга муносиб авлод бўлайлик

Жиззах политехника институти Архитектура ва қурилиш факультети тьютори Дурбиби Муносибова талаба ёшлар билан ҳамкорликда миллатпарвар, маърифатпарвар, тараққийпарвар жадид боболаримизни хотирлаб видеоролик тайёрлади.

Ватан озодлиги йўлида ўз тинчи ва оромидан кечган Ватан келажаги йўлида жонини қурбон қилган боболаримиз номини доим ёд олиш, уларга муносиб фарзанд бўлиш ҳар бир ёшнинг зиммасидаги шарафли бурч бўлиши лозим.  

Зеро миллат эрки, ватан истиқлоли  улуғ ва муқаддасдир. Буни ҳис қилиб боболарга хос ишларга камарбаста бўлиб яшаш, улар бошлаб берган эзгу амалларни давом эттириш ёш авлод зиммасидадир. Юртбошимиз ёшларга доим ишонч билан қараган. Бу ишончни оқлаш бизга доим куч бағишлаган ва бундан кейин ҳам шундай бўлиб қолади. Жадид боболаримиз руҳи бизларга ҳамиша мададкор бўлсин.