“Жадидлар” рукни остидаги китоблар тўплами Зоминдаги барча мактабларга топширилди

Ёшлар ишлари агентлиги томонидан маърифатпарвар жадид алломаларимизнинг илмий меросини оммалаштириш мақсадида “Жадидлар” рукни остида китоблар тўплами нашр этилган эди.

Мазкур тўпламда Маҳмудхўжа Беҳбудий, Мунаввар қори Абдурашидхонов, Исъҳоқхон тўра Ибрат, Абдулла Авлоний, Абдурауф Фитрат, Абдулла Қодирий, Абдулҳамид Чўлпон, Ғулом Зафарий каби маърифатпарвар жадидларнинг ҳаёти ва ижоди, асарларининг қисқача таҳлили, эътирофи, ҳикматли сўзлари ва бошқа жиҳатлари ўрин олган.

Бугун Зомин тумани Ёшлар маркази биносида туман Ёшлар ишлари агентлиги томонидан тумандаги барча умумтаълим мактаблари кутубхона фондига ушбу тўпламлардан топширилди.