Дўстликда китоб акцияси ўтказилди

Дўстликда туман халқ таълими бўлими ташаббуси билан “Янги Ўзбекистон – китобхонлар юрти” шоири остида китоблар акцияси бўлиб ўтди.

Унда иштирок этган ўқувчиларнинг ота-оналари, секторлар раҳбарлари, маҳаллаларга бириктирилган ҳоким ёрдамчилари ва ёшлар етакчилари ўз ҳудудларидаги умумтаълим мактаблари кутубхоналарига китоблар совға қилди.

Туман давлат солиқ инспекцияси бошлиғи М.Турсунмуродов, “Мевазор” МФЙ ҳоким ёрдамчиси Б.Исломов ҳамда ёшлар етакчиси Ш.Абдуғаниев 4-сектор ҳудудидаги 13-сонли умумтаълим мактабига “Жаҳон ва ўзбек адабиёти дурдоналари кутубхонаси” жавонидан ўрин олган 350 дона энг сара асарлар совға қилди.