Рeспублика ишчи гуруҳ вакиллари Арнасой туманида ижтимоий-иқтисодий ривожлантириш бўйича ўрганиш ишларини олиб боришди

Жиззах вилояти ҳокимлигида ўтказилган йиғилишда вилоятнинг Арнасой, Янгиобод туманларини ҳамда Фориш туманини ижтимоий-иқтисодий ривожлантириш бўйича асосий вазифалар белгилаб олиниб, жойларда ишчи гуруҳ томонидан ўрганиш ишлари бошлаб юборилди.

Жумладан, Арнасой туманини ижтимоий-иқтисодий ривожлантириш таҳлили, иқтисодий кўрсаткичлари, сектор ва маҳаллалардаги ташкилий ва амалий тадбирлар, маҳаллада ижтимоий-маънавий муҳитни соғломлаштириш йўналишидаги ишлар, маҳаллада аҳоли бандлигини таъминлаш ва тадбиркорликни ривожлантириш, маҳаллада маънавий-маърифий, маданий ва спорт тадбирларини ўтказиш ҳамда уюшма ва «маҳалла еттилиги» фаолиятини самарали ташкил этиш ҳамда томорқалардан самарали фойдаланиш борасидаги ишлар ҳам кўздан кечирилди.

Ўрганиш давомида аниқланган камчиликлар ва қилиниши керак бўлган ишлар бўйича масъулларга топшириқлар берилди.