Шароф Рашидов туманида «Ёш тадбиркор» кўрик танлови ўтказилди

«Ёшлар ва бизнесни қўллаб-қувватлаш йили» муносабати билан ёшлар ўртасида тадбиркорликни кенг оммалаштириш ҳамда бизнес билан шуғулланиш учун кенг имкониятлар яратиш мақсадида «Ёш тадбиркор» танловига старт берилди.

Шу муносабат билан, Ёшлар ишлари агентлиги Жиззах вилоят бошқармаси ва Савдо-саноат палатаси Шароф Рашидов тумани бўлими билан ҳамкорлигида «Ёш тадбиркор» кўрик танловининг туман босқичи бўлиб ўтди.

Танловнинг асосий мақсади тадбиркорликнинг турли соҳаларида чин маънодаги билимли, салоҳиятли ва етакчи ёшларни каш қилиш, уларнинг энг қуйи бўғиндан шакллантирилган сара таклиф ва ташаббусларини қўллаб-қувватлаш, ёшларнинг ижтимоий-сиёсий жараёнларда фаол иштирокини таъминлаш, мамлакатда амалга оширилаётган ислоҳотларни тарғиб қилиш, Ўзбекистон ривожи учун хизмат қиладиган, ёшлар ёмонидан илгари сурилган инновацион ғояларни саралаш ва ушбу ғояларни ҳаётга татбиқ қилиш чораларини кўришда кўмаклашишдан иборат.