Халқаро қишлоқ аёллари куни нишонланди

Мирзачўл тумани "Боғбон" ҚФЙда тумани ҳокими ўринбосари, оилани қўллаб-қувватлаш ва хотин-қизлар бўлими бошлиғи Д. Мавлонова томонидан маданий-маърифий тадбир бўлиб ўтди.

Тадбир давомида туман ҳокими ўринбосари томонидан хотин-қизларга яратилган шароитлар, мавжуд имконият борасида тушунчалар бериб ўтди. Шунингдек, тадбирда фаол пиллакорлар, тадбиркор аёллар сўзга чиқишиб, ўзларининг фаолиятлари ҳақида йиғилганларга сўзлаб беришди.

Тадбирда Ўзбек-қозоқ маданият маркази томонидан маҳалла фаоллари учун концерт дастури намойиш этилди. Байрамона ташкил этилган маданий-маърифий тадбир ўйин-кулгулар билан ўзгача кайфиятда ўтди.

Тадбир сўнггида жамиятда ўзининг фаоллигини кўрсатиб келаётган қишлоқ аёллари ташкилотчиларнинг байрамона совғалари билан тақдирланишди.