Jizzax shahrida tadbirkorlar va ishbilarmonlar harakati – OʻzLiDeP tomonidan “Ishbilarmon ayol – 2024” Respublika koʻrik-tanlovining viloyat bosqichi boʻlib oʻtdi.
Koʻrik-tanlov doirasida viloyatda faoliyat yuritayotgan salohiyatli fermer, tadbirkor va ishbilarmon ayollar rahbarligidagi korxonalar mahsulotlari namoyish etilgan koʻrgazma taqdimoti ham oʻtkazildi. Koʻrik-tanlov ishtirokchilari faoliyatiga hakamlar hayʼati baho berdi.
Xususan, ularning soliqlarga ongli munosabatda boʻlishi, eksport va import salohiyati, xorijiy investitsiyalarni jalb qilishdagi faolligi, nogironlar, ijtimoiy himoyaga muhtoj aholi qatlamlarini qoʻllab-quvvatlashda amalga oshirgan xayrli ishlari, xotin-qizlarni tadbirkorlikka jalb qilish, “Ayollar daftari”ga kiritilgan xotin-qizlarning xohish-istaklari, har bir hududning ichki xususiyatlaridan kelib chiqib, biznesga yoʻnaltirish boʻyicha amalga oshirgan aniq amaliy ishlari inobatga oldi.
Yakuniy natijalarga koʻra, 1-oʻringa zominlik tadbirkor “Yasmin chevarlari” MCHJ rahbari Raʼno Xasanova, 2-oʻringa Jizzax shahridan “Xadija baraka mahsulotlari” oilaviy korxona rahbari Gulnora Ismatullayeva, 3-oʻringa Doʻstlik tumanidan “Bunyodkor tikuvchi qizlari” MCHJ rahbari Gulxayo Shoximardonova munosib deb topildi.
Shuningdek, boshqa nominatsiyalar boʻyicha ham gʻoliblar aniqlanib, partiyaning diplom va qimmatbaho sovgʻalari bilan taqdirlandi.
скачать dle 12.0
