Jizzaxda qariyb 800 mln soʻmlik elektrdan noqonuniy foydalangan fuqaro aniqlandi

Sharof Rashidov tumanida fuqaro oʻziga tegishli binoda tijorat maqsadida hisoblagichdan tashqari elektr qurilmalar oʻrnatgan holda 780,5 mln soʻmlik elektr energiyasidan noqonuniy foydalangan.
Jizzax viloyatida 780,5 mln soʻmlik elektr energiyasidan noqonuniy foydalanish holati aniqlandi.

“Oʻzenergoinspeksiya” xabariga koʻra, Jizzax viloyati Sharof Rashidov tumanida fuqaro T.Sh. oʻziga tegishli binoda tijorat maqsadida hisoblagichdan tashqari elektr qurilmalar oʻrnatgan holda 780,5 mln soʻmlik elektr energiyasidan noqonuniy foydalangan.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborilgan.