Jizzaxda Oʻzbekiston Respublikasi Davlat bayrogʻining 33 yilligi nishonlandi

Shu munosabat bilan Jizzax shahrida gʻurur, faxr va iftixorimiz boʻlgan Davlat bayrogʻining 33 yilligi bayram tadbirlari boʻlib oʻtdi.

Dastlab harbiylardan iborat ishtirokchilar Jizzax shahridagi markaziy Sharof Rashidov shoh koʻchasidan yurish qilib Mustaqillik maydonida saf tortishdi.

Jizzax shahri markazidagi Mustaqillik maydonida 65 metr boʻlgan yurtimizdagi eng baland bayroqlardan biri oʻrnatilgan. Hilpirab turgan ulkan bayroq ostida davlat madhiyasi ijro etildi.

Shundan soʻng, Tadbirda harbiylar, huquq-tartibot idoralari xodimlari, madaniyat va sanʼat maktablari, viloyat oliygohlari talabalari, sport sohasi vakillari, jamoatchilik, yoshlar, ommaviy axborot vositalari xodimlari ishtirok etdi.

Unda viloyat hokimi oʻrinbosari Akmal Savurbayev ishtirok etib,barchani bayram bilan tabrikladi.

Bayram tadbirlari viloyatimiz tuman va shaharlarida, tashkilot hamda idoralarda koʻtarinki ruhda davom etmoqda.