Jizzax viloyatida kuz-qish mavsumiga tayyorgarlik koʻrish borasida joylarda qanday ishlar amalga oshirilmoqda

Jizzax viloyatida kuz-qish mavsumiga tayyorgarlik koʻrish borasida joylardagi aholi yashash manzillari va ijtimoiy soha obyektlarida qanday ishlar amalga oshirilmoqda.

Sharof Rashidov tumani “Oqtosh ota” MFY hududidagi “Yangi Oʻzbekiston” massivida qurilayotgan koʻp qavatli uylar uchun qiymati 51,2 mlrd.soʻm boʻlgan qozonxona hamda qiymati 8,7 mlrd.soʻm boʻlgan 5,5 km issiqlik tarmoqlari qurilib foydalanishga topshirildi.

Viloyatda bugungi kunda 558 ta umumtaʼlim maktablari, 239 ta davlat maktabgacha taʼlim tashkilotlari hamda 225 ta sogʻliqni saqlash muassasalari mavjud.

2024/2025 kuz-qish mavsumiga tayyorlash borasida 9 ta maktabgacha taʼlim tashkiloti, 11 ta umumtaʼlim maktablari, 7 ta sogʻliqni saqlash muassasalari joriy taʼmirlandi.

Shuningdek, Jizzax shahridagi Jizzax Davlat pedagogika universitetiga qarashli 1-sonli Talabalar turar joyi binosi joriy taʼmirdan chiqarilib, foydalanishga topshirildi.