Жиззах вилояти ички ишлар бошқармаси тиббиёт бўлимида “Ўз статусингдан хабардор бўл!” шиори остида 2 кунлик акция уюштирилди

1 декабрь — Бутунжаҳон ОИТСга қарши кураш куни муносабати билан Жиззах вилояти ички ишлар бошқармаси тиббиёт бўлимида “Ўз статусингдан хабардор бўл!” шиори остида 2 кунлик акция уюштирилди.

Жиззах вилояти ОИТС маркази билан ҳамкорликда ташкил этилган ушбу тадбир давомида ички ишлар органлари ходимлари ва уларнинг оила аъзолари, соҳа фахрийлари Б, С гепатити ҳамда ОИТС бўйича тиббий текширувдан ўтдилар.

 Шунингдек, айни кунларда Жиззах вилояти ИИБ соҳавий хизматлари шахсий таркиби гриппга қарши эмланмоқда. Бундан ташқари ички ишлар органлари ходимлари ортиқча вазнни аниқлаш нуқтаи назаридан тиббий текширувдан ўтказилиб, спорт билан шуғулланиш, соғлом турмуш қоидаларига амал қилиш юзасидан тавсиялар берилаётир.

  Жиззах вилояти ИИБ ахборот хизмати