Жиззах шаҳрида “Ватан тараққиётига менинг ҳиссам” республика танловининг вилоят босқичи ўтказилди

Жиззах шаҳрида “Ватан тараққиётига менинг ҳиссам” республика танловининг вилоят босқичи бўлиб ўтди.
Ушбу танлов юртимизда юқори натижаларга эришаётган иқтидорли ёшларни аниқлаш ва уларни муносиб рағбатлантиришга қаратилгани билан аҳамиятлидир. Танлов эртамиз эгаларини замонавий билим ва тажрибалар, миллий ва умумбашарий қадриятлар асосида вояга етказишда кўмак бериши шубҳасиз.
Мазкур танловда Фориш туманидаги 1-умумтаълим мактабининг 10-синф ўқувчиси Муҳлиса Келдибекова 1-ўринни эгаллаб, танловнинг республика босқичига йўлланмани қўлга киритди.