Мирзачўл туманида “Прокурор ва ёшлар” учрашуви ўтказилди

Мирзачўл туманида ёшларнинг илғор ғоя, таклиф ва ташаббуслари билан танишиш ва уларнинг муаммоларини ҳал этиш, ёшларга оид давлат сиёсатини амалга ошириш борасида олиб борилаётган ишларни ўрганиш ва мавжуд муаммоларни бартараф этиш бўйича “Прокурор ва ёшлар” учрашуви бўлиб ўтди. 

Учрашувда 100 нафардан зиёд ёшлар ва уларнинг ота-оналари ўзларининг  муаммолари, таклифлари, ташаббуслари ва мурожаатлари билан қатнашди. Бўлиб ўтган учрашув жараёнида ёшлардан келиб тушган мурожаатларнинг барчаси мутасадди ташкилотларга ижро учун йўналтирилди. Мурожаатлардан бир нечтаси жойида ҳал этилиб, қолганига ҳуқуқий тушунтиришлар берилди.