Зафарободда аҳоли хонодонлари ва янги ташкил этилаётган тадбиркорлик лойиҳаларини кўздан кечирди

Жиззах вилоят ИИБ бошлиғи Ғ.Қодиров ва Зафаробод туман ҳокими Н.Раджапов туманнинг “Узун” қишлоқ фуқаролар йиғинида ўз томорқа ер майдонидан самарали фойдаланиб келаётган аҳоли хонодонлари ва янги ташкил этилаётган тадбиркорлик лойиҳаларини кўздан кечирди.

Ўрганиш жараёнида ҳудуддаги ҳоким ёрдамчиси У.Нурматовга аҳолининг томорқа ер майдонларидан самарали фойдаланиши юзасидан тегишли тавсиялар, намунавий хонадон ва кўчаларни ташкил этиш топшириқлари берилди.