Янгиободда «Бўзатов ФEСТ» ёшлар овози республика кўрик танловининг маҳалла босқичи ўтказилмоқда

Янгиобод туманида «Бўзатов ФEСТ» ёшлар овози республика кўрик танловининг маҳалла босқичи бўлиб ўтмоқда.

Бугун туман маданият бўлими ҳамда Ёшлар ишлари агентлиги туман бўлими ҳамкорлигидаги мазкур кўрик-танловнинг Янгиобод ШФЙ босқичи бўлиб ўтди.

Танловда бахшичилик, анъанавий ижро, опера ва эстрада йўналишлари бўйича янги истеъдодли ёшлар кашф этди.

Ушбу босқичда Янгиобод ШФЙ ҳудудидан саралаб олинган иқтидорли ёшлар 3 та ёш тоифасида ўзлари танлаган йўналишлари бўйича беллашдилар.

Танлов сўнгида 4 та йўналиш бўйича ҳақиқий истеъдод эгалари сараланиб, уларга ташкилотчиларнинг диплом ва қимматбаҳо совғалари топширилди, шунингдек ғолиблар кўрик-танловнинг туман босқичига йўлланмани қўлга киритдилар.