"Ментал арифметика" Республика очиқ олимпиадасида Жиззахдаги боғча тарбияланувчилари фахрли ўринни эгаллашди

Халқимизда "Бўладиган бола-бошидан маълум"-деган нақл бор. Шу маънода, бугунги кунда мактабгача таълим ёшидан бошлаб болажонларимизнинг ўз йўналиш ва иқтидорини англаган ҳолда, вилоят, республика ва жаҳон миқёсида эришиб бораётган ютуқлари қалбимизни қувнатиб, дилларимизни фахр-у ифтихорга тўлдирмоқда.

Ўзбекистон Республикаси Президентининг 2020  йил 7 майдаги 4708-сонли қарори бўйича "Математика" соҳасини янада ривожлантириб болажонларни бу йўналишига қизиқтиришини ошириш мақсадида 2022-йил 17 апрел куни ўтказилган "Ментал арифметика" Республика очиқ олимпиадасида Жиззах вилояти Мирзачўл туман МТБ тасарруфидаги 14-сон ДМТТдан 5-нафар тарбияланувчилар танловда иштирок этишди.

Тошкент шаҳрида ўтказилган 5 ёшдан 15 ёшгача бўлган болалар учун ментал арифметика бўйича республика очиқ олимпиадасида Хасанова Дурдона (2-ўрин), Ҳайитбоев Жавоҳир (2-ўрин),Шавкатова Фарангиз (3-ўрин), Aбраҳматов Aбдураҳим ва (3-ўрин) Ирисбоев Беҳруз (3-ўрин)ни эгаллаб вилоятимиз шаънини ҳимоя қилиб, фахрли ўринларни қўлга киритишди ва диплом ҳамда қимматбаҳо эсталик совғалар билан тақдирландилар. 

Жиззах вилоят мактабгача таълим бошқармаси Aхборот хизмати