Жиззахда “Устоз-шогирд анъаналари” номли ижодий ишлар кўргазмаси бўлиб ўтди

Жиззах Давлат педагогика институти Физика ва техноологик таълим факультети Тасвирий саънат ва мухандислик графикаси кафедраси томонидан ташкиллаштирилган “Устоз-шогирд анъаналари” номли ижодий ишлар кўргазмасида иқтидорли талабалар ва профессор-ўқитувчиларнинг йил давомида қилинган ижодий ишлари намойиш этилди.”Ёшлар ойлиги доирасида ўтказилаётган ижодий ишлар кўргазмасинининг расмий қисмини институт ректори Ш.Шарипов очиб берди.
-Бугунги кўргазмада институтда таҳсил олаётган талаба ёшларимиз билан бир қаторда профессор-ўқитувчиларнинг бир сўз билан айтганда ижодкорларнинг 100 дан ортиқ ижод маҳсули намойиш этилмоқда,- дейди институт ректори Ш.Шарипов – Кўргазмада юртимиз гўзаллиги, кейинги йилларда бўлаётган ўзгаришлар акс этган ижодий ишларни, намуналарни кўрдик. Ўзида табиат ажойиботларини, эзгу хислатларни ҳис қилиб, уни ранг-тасвирда ифодалашга уринган, қалбида ватанга муҳаббати бор, қўли билан гўзаллик яратувчиларига фақат омад тилайман.
Кўргазма давомида меҳмонлар талаба ёшларнинг ижодий ишлари билан бирма-бир танишиб чиқишди. Ўз навбатида иштиркочилар ҳам ижодий ишлари ва ютуқлари тўғрисида маълумот беришди. Олийгоҳ ҳовлисида ташкил этилган кўргазмада 500 дан ортиқ ёшлар ва санъат шайдолари қатнашди.