ЙТҲ: айбдорни аниқлашдан кўра ҳодисанинг олдини олган афзал

Жиззах вилояти ички ишлар бошқармаси жамоат хавфсизлик хизмати йўл ҳаракати хавфсизлиги бошқармаси, шаҳар ва туман ички ишлар бўлими йўл ҳаракати хавфсизлиги бўлимлари масъул ходимлари томонидан вилоят ҳудудида жойлашган автомобилларга газ тўлдириш, автомашиналарни ювиш шохобчалари ишчи-хизматчилари, ҳайдовчи, йўловчи ва пиёдалар ўртасида йўл-транспорт ҳодисаларини келтириб чиқарувчи сабаб ва омиллар, уларнинг олдини олишга қаратилган профилактик тадбирлар ташкил этилмоқда.

Соҳа ходимлари томонидан йўл-транспорт ҳодисаларини келтириб чиқарувчи сабаб ва омиллар, бу каби ҳодисаларнинг олдини олиш, ҳаракат иштирокчилари томонидан мунтазам равишда йўл ҳаракати қоидаларига амал қилиш ва буни кундалик ҳаёт тарзига айлантириш лозимлиги таъкидланди.

Ёш болаларни автомобилда ёки серқатнов йўлларда қаровсиз қолдирмаслик, уларни автомобиль йўлларида ўйнашларига йўл қўймаслик, болаларнинг йўл ҳаракати қоидалари бўйича билим, тушунчаларини ёшлигидан бошлаб шакллантириб бориш борасида мунтазам тарғибот тадбирлари ва учрашувлар ўтказиб келинмоқда.

Жиззах вилоят ИИБ ЖХХ ЙҲХБ ходимлари – “Йўл транспорт ҳодисаси айбдорини аниқлашдан, унинг олдини олган афзал!” шиори остида иш олиб боряпти.