Жиззах шаҳрида тадбиркорнинг 600 млн сўмини ўзлаштирган фирибгарлар фош этилди

Бош прокуратура ҳузуридаги Департаментнинг Жиззах шаҳар бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “G.m.” МЧЖ раҳбари Г.П. ва бошқалар “S.I.” МЧЖ раҳбари Б.нинг ишончига кириб, ҳақиқатда мавжуд бўлмаган савдо дўконини ер тўласи билан бирга сотишга ваъда қилиб, 600 млн сўмини фирибгарлик йўли билан қўлга киритиб, ўз эҳтиёжлари учун ишлатиб юборганлиги аниқланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.