“Аёлларга кўмак” лойиҳаси Дўстлик туманида

Дўстлик туманидаги “Бунёдкор қизлари" тикув мажмуасида Ўзбекистон ХДП Жиззах вилоят, туман Кенгашлари ташаббуси билан “Аёлларга кўмак” лойиҳаси ўтказилди.
Тадбирда Ўзбекистон ХДП Жиззах вилоят, туман Кенгаши масъул ходимлари ва маҳалладаги хотин-қизлар иштирок этди.

Тадбирни ўтказишдан асосий мақсад кам таъминланган, иш билан банд бўлмаган, ногиронлиги бўлган инсонларни хоҳиши ва қобилиятига қараб касб-ҳунарга ўқитиш, уларга хусусий тадбиркорлик ҳамда томорқа хўжаликларини ривожлантириш учун имтиёзли кредитлар ажратишда кўмак беришдан иборат.
Иштирокчиларга мамлакатимизда хотин-қизлар учун яратилаётган имкониятлар тўғрисида маълумотлар берилди.

Тадбир давомида маҳалладаги хотин-қизлар муоммолари ҳам ўрганилди ва ҳуқуқий маслаҳатлар берилди. Мурожаатлари юзасидан 3 нафар хотин-қизларнинг муоммолари тадбирда ўз ечимини топди.
Тадбир жараёнида партия сафига қабул қилинган фаол хотин-қизлардан 10 нафарига аъзолик гувоҳномалари топширилди.