Жиззахда содир бўлган ЙТҲда Cobalt уриб юборган пиёда вафот этди

Яккабоғ туманида яшовчи шахс Cobalt машинасини йўлнинг белгиланмаган жойидан кесиб ўтаётган Мирзачўл туманида яшовчи пиёдани уриб юборган.

Жиззах вилояти ИИБ ахборот хизматининг хабар беришича, 2022 йил 20 август куни соат 23:54 ларда М-39 Алмати-Тошкент-Термиз халқаро автомобил йўлининг Шароф Рашидов тумани Ёйилма маҳалласидан ўтган 976-километрида одам ўлими билан боғлиқ йўл-транспорт ҳодисаси содир бўлган.

Қашқадарё вилояти Яккабоғ туманида яшовчи шахс Cobalt машинасини Тошкент йўналиши бўйича бошқариб кетаётиб, йўлнинг белгиланмаган жойидан кесиб ўтаётган Мирзачўл туманида яшовчи пиёдани уриб юборган.

Оқибатда, пиёда оғир тан жароҳатлари олган ва шифохона ётқизилган. Аммо кўрсатилган муолажаларга қарамасдан вафот этган.