Ғаллаорол туманида “Маҳоратли нотиқ” кўрик-танлови ўтказилди

1 октябрь – Ўқитувчи ва мураббийлар куни олдидан Ғаллаорол туманида ўтказилган “Маҳоратли нотиқ” кўрик-танловининг туман босқичи иштирокчилари 3 та шарт бўйича беллашди.

Танлов якунига кўра, Ғаллаорол тумани ХТБ  тасарруфидаги 52-сонли умумтаълим мактабининг ижодий ва маданий ишлар бўйича тарғиботчиси Сарвиноз Маманова энг юқори балл тўплаб, ғолиб бўлди. У танловнинг вилоят босқичида иштирок этиш учун йўлланмани қўлга киритди.

Кўрик-танлов ғолиб, совриндор ва фаол иштирокчилари Маънавият ва маърифат маркази туман бўлинмаси томонидан тақдирланди.