Жиззахда Хотин-қизларнинг ННТлар юзасидан ҳамкорликдаги лойиҳалар бўйича матбуот анжумани ўтказилди

Жиззах вилоят Оила ва хотин-қизлар бошқармаси томонидан Халқ депутатлари Жиззах вилоят Кенгаши ҳузуридаги ННТ ва фуқаролик жамиятининг бошқа институтларини қўллаб-қувватлаш Жамоат фонди билан ҳамкорликда “Хотин-қизларнинг ННТлар юзасидан ҳамкорликдаги лойиҳалари, лойиҳаларнинг жойларда амалга оширилиши ва самарадорлик" мавзусида пресс-конференция ташкил этилди.

Конференцияда асосий маърузачилар айнан хотин-қизларни қўллаб-қувватлаш ва уларга турли йўналишларда амалий ёрдам беришга қаратилган лойиҳа ва лойиҳа муаллифлари ҳамда ОAВ вакиллари журналистлар иштирок этишди.

Унда вилоят бўйича 12 нафар ННТлар жорий йилда хотин-қизлар тизимига кўмак бериш, чекка ҳудудларда истиқомат қилаётган хотин-қизларни касбга ўқитиш, бандлигини таъминлашга кўмаклашиш йўналишида 30-60 миллион сўмгача лойиҳаларни ютиб олиб, амалётга татбиқ қилмоқда. Конференция давомида ҳар бир ННТ ва лойиҳа муаллифи амалга ошираётган ишлари юзасидан маъруза қилдилар.