Фориш туманида ток кўчатлари экиш ишлари олиб борилмоқда

Фориш туманида фаолият юритаётган “Лаззат кафолат” хусусий корхонаси узумчиликка ихтисослашган. Фориш туманининг иқлим ва ер шароити узум етиштиришга мос.

Шу боис туманда кейинги йилларда узумзорларни кенгайтириш, узум етиштиришни кўпайтириш борасида тизимли ишлар йўлга қўйилмоқда.
“Лаззат кафолат” хусусий корхонасида 2022 йил куз мавсумида 300 гектар ерга янгидан ток кўчатлари экиш режалаштирилган. 20 октябрдан бугунги кунга қадар 100 минг тупдан зиёд ток кўчатлари экилди.
Ток кўчатлари экиш ишларида 70 нафар вақтинча иш билан банд бўлмаган аҳоли иштирок этиб, уларга кунлик амалга оширган ишлари учун иш ҳақи тўлаб бериляпти.