Жиззах вилоят ҳокимининг "San Inter" компанияси билан  учрашуви ўтказилди

Жиззах вилоятига Дания давлатининг йирик "San Inter" компанияси директори С.Абдукаримходжаев ташриф буюрди.

Дания давлатининг "San Inter" компанияси вакилларини вилоят ҳокими Э.Салиев Шароф Рашидов туманида  кутиб олди.

Вилоят ҳокими Э.Салиев, "San Inter" компанияси директори С.Абдукаримходжаев, Лойиҳа бошқаруви миллий агентлиги ва вилоят Инвестициялар бош бошқармаси вакиллари билан биргаликда Шароф Рашидов туманида йирик зотдор қорамолчилик комплекси қурилишида бўлишди.

Шароф Рашидов туманида йирик зотдор қорамолчилик комплекси қурилиши натижасида замонавий технологиялар асосида сут маҳсулотларини қайта ишлаш лойиҳаси амалга оширилади.

Томонларнинг учрашуви мазкур йирик лойиҳани амалга ошириш юзасидан музокаралар ўтказишга қаратилди.

Вилоят ҳокимлиги Ахборот хизмати