Форишнинг “Оқтом” маҳалласида ҳашар йўли билан ички йўллар таъмирланмоқда

Фориш тумани 3-сектор ҳудудидаги “Оқтом” маҳалласида ҳашар йўли билан ички йўлларни таъмирлаш ишларига киришилди. Маҳаллада ҳашар йўли билан 2 километр ички йўллар кенгайтирилиб, текисланиб, қум-шағал ётқизилади.
“Оқтом” маҳалласига яқин жойда қум-шағал карерининг мавжудлиги амалга ошириладиган ишларни камхарж ва тезроқ амалга оширилишига имкон яратмоқда.
Фориш туман ҳокими Икром Матиев, туман ички ишлар бўлими бошлиғи, 3-сектор раҳбари Қаҳрамон Назаров билан бирга “Оқтом” маҳалласида бўлиб, маҳалланинг ички йўлларини таъмирлаш ишлари билан танишди. Белгиланган ишларни тез ва сифатли амалга ошириш юзасидан топшириқ ва кўрсатмалар берди.