Форишда “Аёллар дафтари”га киритилган хотин-қизларга кўмак кўрсатилмоқда

Фориш туманида “Аёллар дафтари”га киритилган хотин-қизлар ҳар томонлама қўллаб-қувватланиб, уларга кўмак кўрсатилмоқда.
Жумладан, 46 нафар ижтимоий кўмакка муҳтож, “Аёллар дафтари”га киритилган хотин-қизлар уй-жойларини таъмирлаш мақсадида уларга 270 миллион сўмлик қурилиш материаллари тарқатилди.
Бундан ташқари тадбиркорлик фаолиятини бошлаш истагида бўлган 82 нафар “Аёллар дафтари”да бўлган хотин-қизлар молиявий қўллаб-қувватланиб, уларга тижорат банкларининг 952 миллион сўм кредит маблағлари берилди.
Кредит маблағлари олган хотин-қизлар чорвачилик, томорқада иссиқхона ташкил этиш, ҳунармандчилик билан шуғулланиб, ўз оилалари даромадларини оширишга интилмоқдалар.