Жиззахда ноёб қушлар ҳамда бошқа жониворларни қишдан беталофат олиб чиқиш мақсадида қўшимча озиқлантирилмоқда

Фориш туманидаги “Нурота” давлат қўриқхонаси худудини ҳам қалин қор қоплаган. Қалин қор натижасида қўриқхона худудида қўриқланаётган “Қизил китоб”га киритилган “Қизилқум” (Сверцов) қўйлари ва турли ноёб қушлар ва бошқа жониворлар озиқланадиган озуқалар қалин қор остида қолган.
“Нурота” давлат қўриқхонаси жамоаси аъзолари қалин қор ва аномал совуққа қарамай “Қизил китоб”га киритилган “Қизилқум” (Сверцов) қўйлари ва турли ноёб қушлар ҳамда бошқа жониворларни қишдан беталофат олиб чиқиш мақсадида қўшимча озиқлантиришни йўлга қўйишди. Қўриқхона жамоаси аъзолари қўриқхона худудидаги жониворлар озиқланадиган жойларга омухта ем тарқатишмоқда.