Арнасойда 4-сектор аҳоли муаммоларини ўрганди

Арнасойда туман давлат солиқ инспекцияси бошлиғи 4-сектор ҳудудидаги маҳалла фуқаролар йиғинларида учрашувлар ташкил этиб, унда бир қатор долзарб масалаларни муҳокама этмоқда.

Жумладан, 4-сектор раҳбари, ДСИ бошлиғи Ҳусниддин Умуров тумандаги “Бўстон” МФЙда маҳалла раиси, хотин-қизлар фаоли ва ёшлар етакчиси билан учрашиб, унда “Аёллар дафтари” рўйхатининг 4-босқичини шакллантириш, вақтинча банд бўлмаган йигит-қизларга “Ёшлар дафтари” жамғармаси ҳамда аукцион орқали ерларни ижарага берилиши борасидаги масалалар бўйича ўз таклиф ва тавсияларини берди.