Ўзбекистон Республикаси Вазирлар Маҳкамасининг 2022 йил 14 октябрдаги “Давлат фуқаролик хизматчилари томонидан одоб-ахлоқ қоидаларига риоя этилишини таъминлаш бўйича қўшимча чора-тадбирлар тўғрисида”ги 595-сонли қарори билан давлат фуқаролик хизматчилари одоб-ахлоқининг намунавий қоидалари тасдиқланган.
Одоб-ахлоқ қоидалари давлат хизматчиларининг касбий маданияти, хизмат фаолияти давомида ҳамда хизматдан ташқари вақтда одоб-ахлоқи, ташқи кўриниши ва кийиниш услубининг намунавий қоидаларини белгилайди.
Давлат хизматчилари ўз касбий фаолиятини қуйидаги принциплар асосида амалга ошириши шарт:
қонунийлик;
Ватанга садоқат ва хизмат вазифасига фидойилик, юкланган функционал вазифаларни тўлиқ бажариш, ижро интизомига қатъий риоя этиш;
фуқаролар хуқуқлари, эркинликлари ва қонуний манфаатларининг устуворлиги;
давлат ва жамият манфаатларига содиқлик;
адолатлилик, ҳалоллик ва холислик;
коррупциявий холатларга муросасиз муносабатда бўлиш ва қарши курашиш;
хизмат сирини қатъий сақлаш;
мансаб ваколатларини суиистеъмол қилмаслик;
манфаатлар тўқнашувига йўл қўймаслик.
Давлат хизматчилари меҳнат фаолияти давомида ва ишдан ташқари вақтда хулқ-атворнинг қуйидаги умумий қоидаларига амал қилиши лозим:
давлат хизматининг обрўсига путур етказиш мумкин бўлган хатти-ҳаракатлардан тийилиш, ахлоқ нормаларига доимий риоя қилиш;
масъулият, касбига садоқат ва ҳалолликни кундалик шиорга айлантириш;
мураккаб вазифаларни бажаришда ҳамкасбларига кўмаклашиш;
хушмуомалалик, эътиборлилик ва хушёрлик билан фуқароларда давлатга нисбатан ишонч ва ҳурмат ҳиссини уйғотиш;
оиласида соғлом муҳитни таъминлаб, оила аъзоларига доимий ғамхўр бўлиш, фарзандларида ватанпарварлик ва бошқа ахлоқий фазилатларни шакллантириш;
фуқароларнинг ижтимоий келиб чиқиши, иқтисодий аҳволи ва бошқа омиллардан қатъи назар, улар билан бир хил, самимий, одоб доирасида муносабатда бўлиш;
жамиятда ахлоқнинг умумэътироф этилган қоидаларига амал қилиш.
Ички назорат шўъбаси
скачать dle 12.0
