Жиззах вилояти ҳокимлигида Давлат фуқаролик хизматчисининг одоб-ахлоқ қоидалари тўғрисида тушинчалар берилди

Жиззах вилояти ҳокимлигида «Давлат фуқаролик хизмати тўғрисида»ги Ўзбекистон Республикаси Қонунига мувофиқ ҳамда давлат хизматчиларининг хизмат фаолиятига оид ва хизматдан ташқари одоб-ахлоқи, жамоатчилик билан муносабатларига доир қоидаларга риоя этилишини таъминлаш мақсадида Вазирлар Маҳкамасининг 2022 йил 14 октябрдаги 595-сонли Қарорини тушунтиришга қаратилган ўқув-семинар бўлиб ўтди.

Мазкур ўқув-семинарда ҳокимликнинг раҳбар ва ходимлари иштирок этишди.

Давлат хизматини ривожлантириш агентлиги вилоят филиали масъули “Давлат фуқаролик хизматчилари одоб-ахлоқининг Намунавий қоидалари”, хусусан, давлат хизматчиси фаолиятидаги одоб-ахлоқ қоидалари, давлат хизматчиларининг ишда ва ишдан ташқари вақти ҳамда давлат хизматчиларининг жамоатчилик ва оммавий ахборот воситалари вакиллари билан муносабатларга оид одоб-ахлоқ қоидалари тўғрисида батафсил маълумот бериб ўтди.

Шунингдек, семинар давомида «Давлат фуқаролик хизмати тўғрисида»ги Қонунинг

12 ва 13-моддаларида давлат фуқаролик хизматчисининг асосий мажбуриятлари ҳамда давлат фуқаролик хизматини ўташ билан боғлиқ чекловлар тўғрисида тушунтирилди.

Вилоят ҳокимлиги Ахборот хизмати