Янгиободда “Давлат фуқаролик хизмати тўғрисида”ги Қонуннинг тарғиботига бағишланган семинар бўлиб ўтди

Ўзбекистон Республикаси Президенти ҳузуридаги Давлат хизматини ривожлантириш агентлиги Жиззах вилояти филиали ташаббуси билан Янгиобод туманидаги ташкилот, муассаса ва корхоналар раҳбарлари ҳамда масъул ходимлар учун тарғибот-ташвиқот семинарлари ташкил этилди.
Семинарда Давлат хизматини ривожлантириш агентлиги Жиззах вилояти филиали масъул ходими Т.Эргашев ҳамда вилоят Адлия бошқармаси бош маслаҳатчиси М.Абдуалимовлар иштирок этишди. 

Семинарда жорий йилнинг 4 август куни Президент ҳузурида бўлиб ўтган “Давлат фуқаролик хизматини ислоҳ қилиш ҳамда бошқарувда натижадорликни таъминлаш чора-тадбирлари”га бағишланган видеоселектор йиғилишида белгиланган вазифалар, уларнинг ижросини таъминлаш борасида амалга ошириладиган чора-тадбирлар ҳамда 8 августда Президентимиз томонидан имзоланган “Давлат фуқаролик хизмати тўғрисида”ги Ўзбекистон Республикаси Қонунининг мазмун-моҳияти атрофлича тушунтирилди, мазкур қонун билан давлат фуқаролик хизматчиларининг ҳуқуқ-мажбуриятлари, вазифалари ҳамда уларнинг мақоми аниқ белгилаб берилганлиги таъкидланди.

Семинар якунида эса иштирокчиларнинг қонун борасидаги фикр-мулоҳазалари ҳамда таклифлари тингланди.Семинар иштирокчиларига қонуннинг мазмун-моҳияти ва аҳамиятини давлат хизматчиси сифатида аҳоли ўртасида кенг тарғиб этиш борасида тавсиялар берилди.