Жиззах вилояти ҳокими Жиззах шаҳридан ўзига бириктирилган ёшлар ва уларнинг ота-оналари билан учрашув ўтказди

Хабарингиз бор, 11 апрель куни давлатимиз раҳбари томонидан ёшлар сиёсати соҳасидаги ишлар натижадорлигини ошириш мақсадида видеоселектор йиғилиши ўтказилганди.

Мазкур видеоселектор давомида ҳар бир ҳудуддаги алоҳида эътиборга муҳтож бўлган ижтимоий-моддий жиҳатдан давлатнинг ёрдамига муҳтож бўлган ёшларни рўйхатини шакллантириш ва уларни вилоят, туман, шаҳар ҳокимларига шунингдек, сектор раҳбарлари ва ташкилот раҳбарларига бириктириш, муаммоларни ечимини излаш, ғамхўрлик қилиш ва доимий қўллаб-қувватлаш бўйича топшириқ берилганди.

Ушбу топшириқлар ижросини таъминлаш мақсадида, Жиззах вилояти ҳокими Эргаш Салиев Жиззах шаҳридаги ўзига бириктирилган ёшлар ва уларнинг ота-оналари билан учрашув ўтказди.

Учрашув давомида ёшлар ва уларнинг ота-оналари томонидан айтилган муаммоларни ижобий ҳал этиш бўйича вилоят ҳокими томонидан масъулларга топшириқ берилди.

Вилоят ҳокимлиги Ахборот хизмати