Дўстликда муаммолар очиқ мулоқот тарзида ўрганилмоқда

Ўзбекистон Республикаси Президентининг 2022 йил 24 ноябрдаги ПФ-252-сонли Фармони талаблари асосида 3-сектор раҳбари, Дўстлик тумани ИИБ бошлиғи Ш.С.Қосимов, “Саритепа” МФЙ раиси У.Турсунов, ҳоким ёрдамчиси Д.Неъматов, ёшлар етакчиси Э.Худойбердиев, хотин-қизлар фаоли Х.Муроддиновалар ҳамда туман ташкилотлари раҳбарлари томонидан маҳалла ҳудудидаги Парвона, Тафаккур, Бўстон ва Жаннатмакон кўчаларида яшовчи аҳолининг муаммолари уйма-уй юриш орқали очиқ мулоқот тарзида ўрганилди.

Тадбирда фуқаролар ер ости сизот сувлари қувурларини тозалаш, янги электр сим устунларини ўрнатиш, ички йўлларни таъмирлаш, спорт жихозларини олиб бериш каби муаммоларни кўтаришди.

Ҳар бир мурожаат мутасаддилар томонидан ёзиб олиниб, ижроси сектор штаби томонидан назоратга олинди.