Татарстон Республикасининг АКТ вазири Жиззахга келди

Хабар бериб ўтганимиздек, жорий йилнинг 25 октябрь куни Тошкент шаҳрида очилган “ICT Week 2023” хафталиги доирасида вилоятга чет эл компаниялари делегацияларининг вакиллари келишмоқда.

Бир неча кун олдин вилоят ҳокими Эргаш Салиев Франциянинг “Maltem Group”  компаниялар гуруҳи таркибига кирадиган “Bocasay” ҳамда “Esokia” компаниялари вакилларини қабул қилганлиги бўйича хабар бериб ўтгандик.

“ICT Week 2023” ҳафталиги доирасида набатдаги делегация Татарстон Республикасидан  Давлат бошқаруви, ахборот технологиялари ва коммуникацияларини рақамли ривожлантириш вазири Айрат Хайруллин бошчилигида келди.

Вилоят ҳокими Эргаш Салиев билан учрашувда  Айрат Хайруллин IT соҳасида ҳамкорликни йўлга қўйиш ва бу борадаги ишларни янада ривожлантириш бўйича музокаралар ўтказди.

Делегация аъзоларини вилоят ҳокими Эргаш Салиев вилоят ҳокимлиги Анжуманлар саройидаги вилоятнинг иқтисодий, ижтимоий соҳалардаги имкониятлари акс этган кўргазмалар ҳамда Жиззах IT Park филиали, “Киберспорт арена”, Президент мактаби, "Sambhram" университети ва Қозон федерал университетининг Жиззах филиали фаолияти билан яқиндан таништирди.

Вилоят ҳокимлиги Ахборот хизмати