Дўстлик тумани аҳолисининг Банк тизими соҳасидаги муаммолари тингланди

Ўзбекистон Республикаси Марказий банкининг Жиззах вилоят бош бошқармаси бошлиғининг ўринбосари М.Ибрагимов Халқ қабулхонаси мудири Ғ.Парманов билан ҳамкорликда АТ “Халқ банки” Дўстлик БХМ мажлислар залида туман аҳолиси билан учрашиб, банк тизими соҳасидаги муаммоларини тинглади.
Уларга АТ “Халқ банки” Дўстлик БХМ, АТБ “Агробанк” Дўстлик филиали, “Гарант банк” Дўстлик БХМ ва Бизнесни ривожлантириш Арнасой БХМ бошқарувчилари ҳамроҳлик қилишди.
Тадбирда 13 нафар фуқаролар банк тизими соҳасидаги сартарошхона, меҳмонахона ва бошқа тадбиркорлик фаолиятларини ривожлантириш учун кредит ажратиш, янги ҳамда иккиламчи уйлардан уй-жой олиш учун субсидия ажратиш каби муаммоли масалаларни ўртага ташлашди.
Ҳар бир мурожаат рўйхатга олиниб, аклоқадор банкларга топшириқ берилди ва ижроси Марказий банк Жиззах вилоят бош бошқармаси ҳамда Халқ қабулхонаси томонидан назоратга олинди.