Жиззах вилояти ҳокимлиги » Янгиликлар » Сарвар Азимов 100 ёшда
05 декабрь 2023 г 337 Комментарии: 0
Сарвар Азимов 1923 йилда Жиззах шаҳрида зиёли оиласида дунёга келди.
Машҳур шоир Ҳамид Олимжоннинг укаси Сарвар Тошкентдаги педагогика техникумини тамомлагач, Ўрта Осиё Давлат университетининг филология факультетида ўқиди (1942-1946), сўнгра аспирантурада таҳсил олди.
С.Азимов 1969-1980 йиллар мобайнида Сурия ва Покистонда элчи, 1986-1990 йилларда эса Ўзбекистон Республикаси Ташқи ишлар вазири бўлиб ишлади.
Ёзувчининг адабий-танқидий фаолияти 1948 йилдан бошланган. У “Ўзбек адабиёти тарихини бузишга қарши”, “Ёш ўзбек ёзувчилар ижоди ҳақида” каби мақолаларида шу давр адабиётининг муҳим илмий-назарий масалаларини илгари сурди. Сарвар Азимов Ҳамид Олимжон ижоди бўйича узоқ йиллар илмий-тадқиқот ишларини олиб бориб, 1953 йилда номзодлик, 1972 йилда докторлик диссертацияларини ҳимоя қилди.
У ўрта мактаблар учун ўзбек адабиёти дастурлари, дарсликлари ва мажмуаларини яратишда фаол иштирок этди.
С.Азимов халқаро “Нилуфар” адабий мукофоти билан тақдирланган.
Сайт ишлаб чиқиш жараёнида. Келтирилган ноқулайликлар учун узр сўраймиз!