Аҳоли турмуш шароити ва иқтисоди ривожланаётган Дўстлик туманига назар

Жиззах вилояти ҳокимлиги Ахборот хизмати томонидан Дўстлик туманида 2023 йилда амалга оширилган ва 2024 йилда амалга ошириладиганқурилиш – ободонлаштириш ишлари билан яқиндан танишиш мақсадида вилоятдаги оммавий ахборот воситалари вакиллари ҳамда ижтимоий тармоқ фаоллари жойларга бориб амалга оширилаётган ишлар билан яқиндан танишишди.

Дўстлик туманида 2023 йилда 6 та Дастурлар доирасида 57 та объектларда 127,2 млрд сўмлик қурилиш – таъмирлаш ишлари бажарилиб, ушбу объектларнинг барчаси фойдаланишга топширилди.

2024 йилга мўлжалланган Ижтимоий ва ишлаб чиқариш инфратузилмасини ривожлантириш Дастурига асосан 3 та объектда 15 млрд сўмлик қурилиш – таъмирлаш ишлари бажарилади.
Жумладан:
– 6,7 млрд сўмга “Боғзор” маҳалласидаги 9 – сонли мактабгача таълим ташкилоти биноси реконструкция қилинади;
– 5,4 млрд сўмга “Чинобод” маҳалласидаги 18 – сонли мактаб биноси реконструкция қилинади;
– 3 млрд сўмга “Саркисов”, “Янги тараққиёт”, “Жиззах остонаси” ва “Истиқлол” фермер хўжаликлари уюшмалари ҳудудида 14 км ёпиқ – ётиқ дренаж тармоқлари қурилади.
Албатта амалга оширилаётган мазкур ишлар туман аҳолисини фаровон турмуш кечириши йўлида амалга оширилаётгани тақсинга сазовордир.

Вилоят ҳокимлиги Ахборот хизмати