Jizzaxda til boʻyicha maslahatchilarga xizmatda foydalanish uchun 7 nomda kitoblar topshirildi

Jizzax viloyati Sharof Rashidov nomli Axborot-kutubxona markazida shahar va tumanlar hokimlarining Maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchilari ishtirokida yigʻilish oʻtkazildi.

Yigʻilish, Oʻzbekiston Respublikasi Vazirlar Mahkamasi huzuridagi Oʻzbek tilini rivojlantirish jamgʻarmasi tomonidan taqdim etilgan “6 jildli Oʻzbek tilining izohli lugʻati” toʻplami, “Oʻzbek tilining katta imlo lugʻati”, “Oʻzbek tilining oʻquv imlo lugʻati, “Axborot texnologiyalari atamalarining izohli lugʻati”, “Oʻzbekiston joy nomlari” kitobi, “Oʻzbek tilining shakllanish va rivojlanish tarixi”, “Kimyo atamalarining izohli lugʻati” kabi kitoblar taqdimotiga bagʻishlandi.
Yigʻilishda ushbu kitoblar shahar va tumanlar hokimlarining Maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha tuman (shahar)lar maslahatchilariga xizmatda foydalanish uchun 7 nomda, bir nusxadan jami 156 dona kitoblar topshirildi.
Shuningdek, tadbirda Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining sohaga oid qarorlarining mazmun-mohiyati yuzasidan shahar va tumanlar hokimlarining maslahatchilariga amaliy seminar ham tashkil etildi.