Ёш ҳарбийларнинг Ватанпарварлик руҳи оширилмоқда

Зомин туманида ёшлар иштирокида «Очиқ эшиклар куни» тадбирлари ўтказилди.

Бугунги кунда юртимиз сарҳадларини куну тун кўз қорачиғидек асраб, халқимиз тинчлиги йўлида хизмат ўтаётган Миллий Армиямиз аскар ва зобитлари нафақат жисмонан, балки маънан ҳам етук кадрларга, энг замонавий қурол-яроқлар, технологияларга эга.

Улар учун етарли шарт-шароитлар яратилиб, қатор имтиёзлар берилгани, Миллий Армияда хизмат қилиш шарафли бурч экани ҳеч кимга сир эмас.

Куни кеча Зомин туманида жойлашган ДХХ Чегара Қўшинларига қарашли қисмда ташкил этилган «Очиқ эшиклар куни»да қатнашган ёшлар бунга яна бир бор амин бўлдилар.

Тадбирда «Темурийлар мактаби» нинг ёш курсантлари, мактаб ўқитувчилари иштирок этиб, ҳарбий қисм ҳаёти билан яқиндан танишишди.