Беғараз ёрдам

Миграция бўйича халқаро ташкилот томонидан амалга оширилаётган "USAID" агентлигининг "Хорижий давлатлардан қайтиб келаётган мигрантларни тадбиркорлик фаолияти билан шуғулланишларида қўллаб-қувватлаш" лойиҳаси давом этмоқда.

Яқинда Россия Федерациясидан қайтиб келган жиззахлик Г.Рахимова "Истиқлол авлоди" ННТга ижтимоий-ҳуқуқий ёрдам сўраб мурожаат қилди. У Россияда қаҳвахонада "Fast food" таомлари тайёрлашни ўрганиб қайтганлигини, шунинг учун ушбу таомни тайёрлашда зарур анжомларни олишда амалий ёрдам беришни сўраган.

"Истиқлол авлоди" ННТ ёрдами билан Г.Рахимовага бизнес-грант ажратилди ва ошхона анжомлари сотиб олиб берилди. Ҳозирги кунда у "Олмазор" маҳалласида "Fast food" таомлари тайёрланадиган қаҳвахона очиб, якка тартибдаги тадбиркорлик фаолияти билан шуғуллана бошлади.

Собир ЮНУСОВ,

Жиззах вилояти

"Istiqlol avlodi" ННТ ҳуқуқшуноси