«Ёшлар инновацион маркази»да ҳуқуқни муҳофаза қилиш органлари раҳбарларининг сайёр қабули бўлди

Жиззах шаҳридаги «Ёшлар инновацион маркази»да ички ишлар органлари, судлар, прокуратура, адлия ва солиқ идоралари мутасаддиларининг Жиззах шаҳри ва Шароф Рашидов тумани аҳолиси учун сайёр қабули бўлиб ўтди.

Мазкур жараёнда бошқа ҳуқуқни муҳофаза қилувчи органлари қаторида вилоят солиқ бошқармаси бошлиғи, Бекзод Тошпўлатовга солиқ тизимига оид бир қатор масалалар бўйича мурожаатлар қилинди.

Ўз навбатида аҳолини қийнаётган муаммоларни ҳал қилиш юзасидан масъулларга топшириқлар берилди. Шу ўринда айтиш жоиз, сайёр қабулда кўтарилган камчиликларни бартараф этиш жараёни Ўзбекистон Президентининг Жиззах вилоятидаги Халқ қабулхонаси томонидан назорат қилинади. Ана шундай сайёр қабул тез орада Зарбдор, Зомин, Янгиобод туманлари аҳолиси учун Зарбдор туманида ўтказилади.