Zarbdor tumanida ijtimoiy himoya reyestriga kiritilgan oilalar muammolarini oʻrganish va hal etish borasida ishlar olib borilmoqda

Jizzax viloyati hokimi oʻrinbosari Oybek Ashurmatov, tuman hokimining birinchi oʻrinbosari Qilichbek Nurmatov va mahalla yettiligi aʼzolari Yangikent MFY hududidagi ijtimoiy himoya reyestriga kiritilgan oilalar muammolarini oʻrganish ishlarini xonadonma-xonadon yurish orqali oʻrgandi.

Oʻrganish davomida har bir oila aʼzolari bilan suhbat tashkil etilib, ularning qiziqishlari va sohalari boʻyicha ishga joylashtirish hamda dehqonchilik bilan shugʻullanishlari uchun yer ajratish orqali bandligini taʼminlash belgilab olindi.

Xonadonma-xonadon yurish orqali aniqlangan muammolarni hal etish yuzasidan tegishli mutasaddi tashkilotlar biriktirilib, tegishli chora-tadbirlar belgilab olindi.