Бахмалда "Green games" – «Яшил ўйинлар» халқаро экологик ўйинлар фестивали ўтказилди

Экология бошқармаси томонидан Бахмалда "Green games" – «Яшил ўйинлар» халқаро экологик ўйинлар фестивали ташкил этилди.

Экология вазирлигининг Оммавий тадбирларни ташкил этиш ва экофаоллар билан ишлаш бўлими ва вилоят Экология, атроф- муҳитни муҳофаза қилиш ва иқлим ўзгариши бошқармаси ҳамкорлигида Бахмал туман ихтисослаштирилган мактабда халқаро экологик ўйинлар фестивали ташкил этилди.

Экологик ўйинлар фестивали мактабнинг асосан 7-синф ўқувчилари ўртасида ташкил этилиши белгиланган бўлсада, юқори синф ўқувчилари ҳам кўнгилли равишда бу фестивалда иштирок этиш истагини билдиришди. Ўқувчилар "Меваларни таниб ол", "Зираворларнинг таъми" номли викториналар, шахмат-шашка, спорт-соғломлаштириш ўйинлари бўйича беллашдилар. Фаол ўқувчиларга ташкилотчиларнинг эсдалик совғалари топширилди.