Жиззахда аёллар ННТлари вакиллари учун илҳомлантирувчи тренинг бўлиб ўтди

Бу икки кун ҳақиқий ижодий лабораторияга айланди, машғулотда назария амалиёт билан уйғунлашиб кетди.

Иштирокчилар нафақат сунъий интеллект технологияларини ўз ичига олган замонавий коммуникация воситаларини ўзлаштиришди, балки мураккаб мавзулар ҳақида тушунарли тилда гаплашишни ҳам ўрганишди.

Айниқса, ҳар бир иштирокчи муҳим ғояларни жамиятга янада самаралироқ етказишга ёрдам берадиган индивидуал ҳаракатлар режасини яратгани катта аҳамиятга эга бўлди. Иштирокчиларнинг самимияти ва очиқлиги, ижобий ўзгаришларга тайёрлиги илҳомлантиради ва олинган билимлар уларнинг эзгу мақсадларида ўз ўрнини топишига ишонч уйғотади.

Барча иштирокчиларга фаол иштироки ва ёрқин келажак яратишга интилишлари учун миннатдорчилик билдирамиз. Ижобий ўзгаришлар йўлидаги навбатдаги учрашувларгача! Янгиликларни кузатиб боринг!

"EU Tabassum" (Smile): Ўзбекистонда гендер тенгликни ривожлантириш ва хотин-қизларнинг ҳуқуқ ҳамда имкониятларини кенгайтириш учун медиа кўникмаларини шакллантириш" лойиҳаси DW Akademie томонидан Замонавий журналистикани ривожлантириш маркази (MJDC) билан ҳамкорликда амалга оширилмоқда. Лойиҳа Yevropa Ittifoqi (YI) молиявий кўмагида ва Германия Федератив Республикасининг Иқтисодий ҳамкорлик ва тараққиёт федерал вазирлиги (БМЗ) қўшма молиялаштирувида амалга оширилади.

«Ушбу нашр Европа Иттифоқи томонидан молиялаштирилган. Унинг мазмуни DW Akademie/MJDC мутлақо жавобгарлиги бўлиб, Европа Иттифоқи нуқтаи назарини акс эттириши шарт эмас»