Устозлари қадр топган она юртим

Ғаллаорол тумани Лалмикор шаҳарчасида 1-сонли касб-ҳунар ҳамда ҳудуддаги 6 та умумтаълим мактаби ҳамкорлигида маънавий-маърифий тадбир ташкил этилди.

Ушбу таълим муассасаларида кўп йиллар меҳнат қилиб, бугунги кунда нафақа гаштини сураётган, ўқув даргоҳларининг энг фаол ўқитувчи-педагоглари таклиф этилган тадбир – “Устозлари қадр топган она юртим!” шиори остида бўлиб ўтди.

Тарбиявий аҳамият касб этган тадбирда фахрий муаллимлар, айни пайтда ўқувчиларга таълим-тарбия бераётган ёш ўқитувчи ва мураббийлар ўз тажрибалари, ёшларга етук билим ва тарбия беришда нималарга эътибор қаратиш лозимлиги юзасидан фикрлашди.

Фахрий устозларга эсдалик совғалари топширилди. Концерт дастури намойиш этилди.