Жиззахнинг “Сўғдиёна-Woman” қизлари тақдирланди (видео)

Хабар бериб ўтганимиздек, вилоят ҳокимлиги Анжуманлар саройида аёллар футболи бўйича Ўзбекистон Олий лигаси кумуш медали, Ўзбекистон Супер кубоги соҳиблари, Осиё чемпионлар лигасининг ғарбий минтақаси ғолиби “Сўғдиёна-W” жамоасини мавсум якунлари бўйича тақдирлаш маросими ўтказилди.

Тақдирлаш маросимида вилоят ҳокими Эргаш Салиев, Ўзбекистон футбол ассоциацияси вакиллари, “Сўғдиёна” ПФК раҳбарияти ҳамда ПФЛ вакиллари иштирок этишди.

Маросимда вилоят ҳокими Эргаш Салиев сўзга чиқиб, вилоятда футболга қаратилаётган эътибор ва спортчилар томонидан қайд этилган натижалар ҳақида тўхталиб ўтди.

Тадбирда “Сўғдиёна-W” жамоа аъзолари саҳнага таклиф этилиб, Ўзбекистон Супер кубоги ва Осиё чемпионлар лигасининг ғарбий минтақаси ғолиблиги медаллари, кубоги ҳамда вилоят ҳокимлигининг бир юз эллик миллион сўм миқдордаги мукофоти билан тақдирланишди.

Қуйида вилоят ҳокимлиги Ахборот хизмати томонидан мазкур маросимдан тайёрланган видеолавҳани тақдим этамиз.

 Вилоят ҳокимлиги Ахборот хизмати