Жиззахда электр энергиясини беҳуда сарфлаган тадбиркорлик субъектларига нисбатан таъсир чоралари кўрилмоқда

“Ўзенергоинспекция” Жиззах вилоят ҳудудий бошқармаси томонидан электр энергиясидан нооқилона фойдаланишни олдини олиш мақсадида истеъмолчиларга тегишли тартибда тушунтириш ва профилактика ишлари олиб борилмоқда.

Аммо айрим тадбиркорлар томонидан берилган тушунтиришларга эътиборсизлик билан қараш натижасида куннинг ёруғ вақтида кўча чироқларини ёқиб қўйиб фойдаланиш ҳолатлари аниқланди.

Хусусан, жорий йилнинг октябрь ойининг ўзида 12 та ҳолат аниқланиб, тегишли тартибда ҳужжатлар расмийлаштирилиб, ҳуқуқий чора кўриш учун суд органларига топширилди.

Суд томонидан 5 та тадбиркорлик субъектига огоҳлантириш ҳамда жарима таъсир чоралари кўрилди.